Monday

Bheed chupaien jab yeh koi

Pehle dil ka haal kahien
phir apne bheed khulien
Akhiyaan jhoot na boolien ..!!

Inn pe guzri jessi jessi
baat karien tu wessi wessi

Rutey rutey kabhi hansien,
kabhi hanste hanste rulien

Akhiyaan jhoot na boolien ..!!

Bheed chupaien jab yeh koi
lagti hein kuch khui khui

Lakin palak jhapak mein
phir yeh piyaar ki rah pe hulien

Akhiyaan jhooth na boolien ..!!

Kajal ke sang behte behte
thak jayien sach kehte kehte

Seejh bicha ker sapnoon ki
tab thoori deer ko su lien

Akhiyaan jhoot na boolien ..!!

Kya kahein hum tum se

Kya kahein hum tum se
Dil chura baithe ho tum hum se

Tum se juda hokar na rehpayenge hum
Ye kaisi dil ki lagi hai meri tum se

Meri rahoun mein tha andhera faqat
Ab to meri zindai roushan hai tum se

Thi ye dil ki zameen banjar kan se
Ab mere dil ka jahan abaad rahega tum se

Zindagi ke NaaZ ab NAAZ se uthaye nahi jate
Ab to uski zinagi aur mout hai tum

Kabhi Soche Wo Bhi‏

Ishq SEHRA he k DARYA kabhi soche wo bhi
Us se kiya hai mera NAATA kabhi soche wo bhi

Han mein TANHA hon ye IQRAR bhi ker leta hon
Khud bhi kitna wo TANHA hai kabhi soche wo bhi

Yeh alag BAAT hai jeeta nahi mein ne us ko
Warna kitna use CHAHA kabhi soche wo bhi

Use AWAAZ likha
CHAND likha
PHOOL likha


Meine kya kya use likha kabhi soche wo bhi

MUTMAIN hon use LAFZON ki hararat de ker
Meine kitna use SOCHA kabhi soche wo bhi!!!!!!!!!

Ager wo meherban hota

Ager wo meherban hota
To meri aankh men na

Jhilmilati ye nami hoti
Na mere dil ki waadi men

Khizzan ka karwan rukta
Agr wo meherban hota

Meri benoor aankhon men
Sitarey qaid kr deta

Meri zakhmi hatheli per
Wo koi phool rakh deta

Mere haathon ko apne
Hathon men le kr wo ye kehta

Mohabbat roshni hai
Rang hai khushbu hai

Sitaara hai
Qasem mujhko mohabbat ki

Mujhe tu subse pyara hai
Mgr esa wo tub kehta

Agr wo meherban hota....!!!!
To Wo Kabir Ke Jan hota

Tumhe Humsafar Na Milega!‏

Yeh pal pal ka chalna,
Fasila khatam na karega,

Tum kitna bhi chaho,
Tumhe woh kal na milega!

Yeh koi gaata hai,
Ya namaaz padta hai,

Tum kitna bhi chaho,
Tumhe alag khuda na milega!

Yeh guzarti hui raat hai,
Ya nikalti hui sehar,

Tum kitna bhi chaho,
Tumhe humsafar na milega!

Yeh Baarish ki boondein hain,
Ya aankhon ke aansoon,

Tum kitna bhi chaho,
Inhe thaamne wala na milega!

Yeh dil ke tukde hain,
Ya aap ki yaadein,

Tum kitna bhi chaho,
Tumhe marham na milega!

Yeh dil mein armaan hain,
Ya sulagte hue sholey,

Tum kitna bhi chaho,
Tumhe sehra mein paani na milega!

Yeh kaisi uljhan ban gayee hai,
Dil ki dhadkan,

Tum kitna bhi chaho,
Tumhe sukoon na milega!

** LIKH DO **

Ek baar kar k aitbar likh do

Kitna hay mujh say pyar likh do

Kat ti nahin ya zindagi ab taray bina

Kitna or karon intizar likh do

Taras rahay hain bari muddat say

Is baar apni muhabbat ka izhar likh do

Deewany ho jain jeesay par kar hum

Kuch aisay tum maray yaar likh do

Ziada nahin likh saktay tu na likho tum

Muhabbat bharay lafz do chaar likh do

Ek baar likho Muhabbat hay tum say

Phir yahi jumla baar baar likh do

Iss baat ka malal hai , shikwa nahi mujhey

Iss baat ka malal hai , shikwa nahi mujhey
Merey qareeb reh ke wo samjha nahi mujhey
Achha nahi ke main ussay bewafa kahoon
uss ne tu muhabbat se bhi dekha nahi mujhe
Jysse main mil gaya tha ussay rah mein para
pathar tha ke heera kabhi parkha nahi mujhey
Tashna lab-o-dehen tha , kitni thi meri piyaas
kya mera mudda'a thaa! jaana nahi mujhe
khuo ker meri talash mein palta nahi kabhi
ya uss ne jaan boojh ker payaa nahi mujhe!!

teray naam say jani jaoon

Aksar chup chup rehti thi
Kisi say kuch na keti thi

Masoom si bholi bhali si
Sab say magar nirali si

Pocha chup kyon rehti ho
Kia tum sochti rehti ho

Boli bhegi aankhon say
Behki behki sansoon say

Mujhay tum achhay lagtay ho
Dil kay sachay lagtay ho

Meri aik hi khuahish hay
Tu hi meri choice hay

Tujh say main pehchani jaoon
Tere name say jani jaoon

Yeh tairi jheel see ankhoon mein

Yeh tairi jheel see ankhoon mein rut'jagoon kay bhanwar
yeah tairay phool say chehray pay chandini ke phawar
Yeah tairay lab yeh diyaar e yuman kay surkh aqeeq
Yeh aainay see jabeeen, sajda'gah e layal o nehaar

Yeah bay'nayaaz ghanay jungloon say baal tairay
Yeah phoolti hoi sarsoon ka aks galoon par
Yeah dharkanoon ke zubaan boltay howay abroo
Kamand daal rahay hain mairay khayaloon par

Yeah naram naram say hathoon ka garam garam lamas
Gudaaz jisam pay baloor tehoon ka samaan!
Yeah ungliyaan, yeah zumurad tarashee shakhain!
Kiran kiran tairay dantoon pay motiyoon ka gumaan

Yeah chandini mein dhullay paoon jab bhi ruqs karain
Fiza mein un ginay ghungroo chanaknay lagtay hain
Yeah paoon jab kissi rastay mein rung barsayain
Tu mousmoon kay muqadar chamaknay lagtay hain

Tairi jabeen pay agar hadson kay naqas ubhrain
Mizaaj gardish e doraan bhi larkharaa jaye
Tu muskuraye tu subhain tujhay salaam karain
Tu ro paray tu zamanay ke ankh bhar aye

Taira khayaal hai khushboo, taira libaas kiran!
Tu khaak zaad hai ya asmaan say utree hai ?
Mein tujh ko daikh kay khud say sawaal karta hoon
Yeah mouj e rung zameen par kahaan say utaree hai ?

Mein kis tarhaan tujhay lafzoon ka payrhan bakhshoon ?
Mairay hunar ke bulandi tu sar'nagoon hai abhi
Tairay badan kay khud o khaal mairay bus mein nahi
Mein kis tarhaan tujhay sochoon, yeahi junoon hai abhi

Milay hain youn tu kaye rung kay haseen chehray!
Mein bay'nayaaz raha mouj e saba ke tarhaan !!
Tairi qasam tairi qurbat kay mousmoon kay baghair
Zameen pay mein bhi akayla phir khuda ke tarhaan

Magar mein shehar e hawadis kay sung zadoon say
Yeah Aaina saa badan kis tarhaan bachaoon ga ?
Mujhay yeah dar hai kissi roz tairay kurb samait
Mein khud bhi dukh kay samandar mein doob jaoon ga!

Mujhay yeah dar hai kay tairay tabasumoon ke phuwaar
Younhi wafa ka taqaza, haya ka toor na hooo ?
Taira badan, tairi duniya hai muntazir jiss ke,
Mein sochta hoon mairi jaan woh koi "Aur" na hoo

Mein soochta hoon magar sochnay say kaya hasil ?
Yeah tairi jheel see ankhoon mein rut'jagoon kay bhanwar

AMJID ISLAM AMJID

Muhabatt ki Tabiyatt mein yeh kaisa Bachpana Qudratt nay rakha hai
Kay yeh jitni purani jitni bhi mazboot ho jayey
Issay Taaeed-E-Tazaa ki zarooratt phir bhi rehti hai

Yaqeen ki Aakhri hadd takk
Dillon mein Lehlahaati ho
Nigaahon say tapakti ho
Lahoo mein jagmagaati ho
Hazaron tarha kay Dilkash Haseen haalay banati ho
Issay Izhaar kay Lafzon ki hajatt phirr bhi rehti hai

Muhabbat maangti hai yun Gawaahi apnay honay ki
Kay jaisay Tifl-E-Sadaa Shaam mein ikk Beej boyey
Aur shabb mein baarhaa Uthhay
Zameen ko khaud karr daikhay
kay pauda abb kahan takk hai
Muhabatt ki Tabiyatt mein ajabb Takraar ki khoo hai
Kay yeh Izhaar kay Lafzon ko sun'nay say nahin thakti

Bicharnay ki ghari ho ya koi milnay ki Saa'att ho
Issay bass aik hi dhunn hai
Kaho mujh say Muhabbat hai
Tumhain mujh say Muhabatt hai

Tumhain mujh say Muhabatt hai
Sitaaron si siwaa Roshan, Hawaaon ki tarha Dayem
Samandarr si siwaa gehri, Pahaaron ki tarha qayem

Zameen say Aasmaan takk jiss qadar Acchay nazaray hain
Muhabat kay Kanaayey hain, Wafa kay Istaa'aray hain
Hamaray hain

Hamaray waastay yeh Chaandni Raatain nikalti hain
Sunehra Din sanwarta hai
Muhabbatt jiss taraf jayey Zamanaa saath challtaa hai

Hum Tumse Juda Ho Gaye,,,


Hum Tumse Juda Ho Gaye,,,
Ek Baar Aur Gumsuda Ho Gaye...
Gam Aur Khushi Ke Liye Baithe Hain Hum,,,
Tum Iske Siwa Aur Kya De Gaye...

Shayad Yahi Thi Kismat Meri,,,
Ki Tum Meri Kismat Ho Gaye...
Log Puchhate Hain Ki Kyoun Ro Pade Hum,,,
Kah Diya Tum Aakar Chale Gaye...

Tum Samajhna Na Aaghaaz Humko,,,
Hum Khud Bhi To Pure Mit Gaye...
Na Ho Sake Hum "HUMSAYAA" Kisi Ka,,,
Akele The Pahle, Akele Ho Gaye...

Kisi Ne Sach Hi Kaha Hai... ...

Kisi Ne Sach Hi Kaha Hai... ... ..

“Wafa Ki Laaj Mein usse Mana Lete
To Accha tha,
Anaa Ki Jung Mein Aksar Judai
Jeet Jaati Hai”

KOi rishtaa toot jaaye DUkh toh hota Hay ....

KOi rishtaa toot jaaye DUkh toh hota Hay ....

Apney ho jaayein paraye dukh toh hota hai.....

hum marjaayein ehd-e-wafa nibhaate nibhate aur unko yakeen na aaye dukh toh hai ....

maana hum nhn pyaar ke qaabil magar iss tarah koi thukraaye dukh toh hota hai

jis ki khaatir Sajaayi hum ne yeh mehfil wohi iss mein na aaye dukh toh hota hai

jaan kar anjaana ban jaaye dukh toh hota hai .....



Kitab-e-maazi

Bohat hi muddat ke baad kal jab
Kitab-e-maazi ko mein ne khola..
Bohat se chehry nazar mein utray
Bohat se namoo pe dil paseeja..
Ek aesa saafha bhi uss mein aaya
Likha hua thaa jo aansou se..
Ke jiska onwaan HAMSAFAR thhaa
Wo saafha sab se hii MOTBAR thhaa..
Kuch aur aansu phir uss pe tapky
Phir uss se aagay men perh naa paaya..
Kitab-e-mazai ko band ker ke
Uski yaadon mein khoo gaya hoon..
Agar wo milta to kesa hota
Innhe khialon mein soo gaya houn...?

Tumhain jana ijazat hay..

Tumhain jana ijazat hay..
Ke in tareek rahoon per..
Thakan sA khud main pao to..
Andheroon say kabhi Dil dol jaye..
Thak sA jao to..
Meray jaltay howay lamhoon..
Meray kangaal hathoon say chura kE apnay hathoon ko..
Faza ki Naghmagi say tum naye geetoon ko chun lena..
Haseen palkoon ki nokoon per naye kuch khuaab bun lena..
Koi gar pooch le mera to us say zikr mat kerna..
Meray jeevan ki jalti dupehr say be-gharz ho ker..
Tum apni chandni ratoon main jugnoo palti rehna..
Meri tanhaaiyoon ki fikAr mat kerna..
Tumhain is ki ijazat hay..
Meray sab khat jala dena..
Meray tohfoon ko darya main bahana ya dabaa dena..
Meri her yaad ko dil say khurachna or mitaa dena..

Tumhain bilkul ijazat hay...
ke jab chaho bhula dena..
magar itni guzaarish hay..


Ager aisa na ho "JANA"

"TO ACHA HAY"- - - - - -!

...AIk PAl ..

Aik Pal Baghair Daikhay Usay Guzar Kyaa Gaya
Aisaa Laga Keh Aik Zamanaa Guzar Gayaa
Uskay Liay Rahay Buland Haath Umer Bhar
Keh APNAY li'ay Dua'on Ka Lamhaa Guzar Gayaa !!"

saaz-e-dil toot gaya to bajayein kasey

Dard bhare naghmein to hazaar hain
saaz-e-dil toot gaya to bajayein kasey?
bojh hota jo ghamoon ka to utha bhi lete
zindagi jo bojh bani ho to uthayein kasey?


Uski hansi ne tu aaj mujh ko rula dia‏

Sab se chupa ker dard jo wo muskara dia,
Uski hansi ne tu aaj mujh ko rula dia.

Lehjay se uth rahi thi har ik dard ki dastan
Chehra bata raha tha sub kuch ganwa dia,

Awaz mein thehrao tha ankhon mein nami thi
Aur keh raha tha k mein ne sab kuch bhula diya,

Janay kia usko mujh se thein shikayatein
Tanhaiyon k des mein khud ko basa dia,

Khud bhi woh hum say bichar k adhora sa ho gaya
Mujh ko bhi itnay logon mein tanha bana dia

~!~ Main Wohi Hoon Jise Tum Piyar Kiya Kerte The ~!~

Main Wohi Hoon Jise Tum Piyar Kiya Kerte The
Din Mein So Baar Mera Naam Liya Kerte The
Kiya Baat Hai Kiyoon Mujh Se Khaffa Bethe Ho
Kiya Kissi Aur Ko Dil Apna Dein Bethe Hoo

Faasale To Pehle Na Hua Kerte The
Main Woh Hoon Jispe Tum Aetbaar Kiya Kerte the
Mujh ko Maaloom Hai Gum Hay Koi Sogaat Nahein
Tum Mujhe Apna Kahoo Aise Bhi Haalaat Nahein

Aur Ager Bhool Gaye Ho To Koi Baat Nahein
Zakham To Pehle Bhi Is Dil Pe Lagga Kerte The
Main Wohi Hoon Jise Tum Piyar Kiya Kertte The
Din Mein So Baar Mera Naam Liya Kerte The

Dil Mein Aata Hai Tumhein Terpa Doon Derd
Jo Tumne Diya Hai Wo Tumhein Loata Doon
Aur Ager Jurm Na Samnjho To Ye Dohra Doon
Tum Mujhe Hasil-E- Armaan Kaha Kerte The

~!~ Bas! Main Ek "Raaz" Hoon Kissi Shaa'ir Ka ~!~‏

Main Ek Raaz Hoon Kissi Shaa'ir Ka
Kissi Shaa'ir Ke Dil Mein Rehta Hoon

Uss Ki Har Baat Pe Hoon Mushtamil Main
Har Ek aah mein jhalakta rehta Hoon

Shub-o-Rauz Zarb Uss Ko De De Kar
Har Boond-e-Ushk Mein Behta Rehta Hoon

Bhula Na De Kabhi Mujh Ko Woh
Har Ek Saaz Mein Bujta Rehta Hoon

Aur Chup Na Jaaye Kahin Mujh Se Woh
Nigaahon Mein Uss Ki Basaa Rehta Hoon

Main Kya Hoon? Kyun Hoon? Mat Poocho
Ke Jawab Iss Sawal Ka, Mein Bhi Dhoondta Rehta hoon

Bas! Main Ek "Raaz" Hoon Kissi Shaa'ir Ka

Pyaar Manga Tha Ghum De Gaye

Meri Aankhoon Ko Bakhshe Hain Aansoo,
Mujh Ko Daag-e-Alam De Gaye Hain,
Iss Inayat Pe Qurbaan Jaoon,
Pyaar Manga Tha Ghum De Gaye Hain

Pal Pal dil k pass

pal pal dil k pass tum rahti ho.............
jeewan meethi piyas yah kahti ho....

pal pal dil k pass tum rahti ho...

har sham ankhon par tera aanchal lahrayay
har raat yadoon ki baarat lay yaya

main saans leta hon teri khushboo aati hay
aik mahka mahka sa paygaam lati hay

meray dil ki dharkan b teray geet gati hay ,
pal pal dil k pass tum rahti ho......

kal tujh ko dekha tha main nay apnay aangan main
jaisay kah rahi thi tum, mujhay band lo bandhan nmain

yah kaisa rishta hay yah kaisay sapnay hian
baganay ho kar b kyun lagtay apnay hian

main soch main rahta hon dar dar k kahta hoon
pal pal dil k pass tum rahti ho.....

tum socho gi kyun itna main tum say piyar karoon
tum samjhoo gi deewana main iqrar karoon

dewanoon ki yah batian dewanay jantay hian
julnay main kiya maza hay parwanay jantay hian

tum yun hi jalatay rahna a a k khawaboon main....

~~~~~~~usay kehna!~~~~~~~‏

usay kehna
ehad nibhanay mat aana !
ehad nibhanay walay aksar majbori
ya majbori ki thakan say louta karty hein
tum jayo!
jin ankhon mein dahobo
jis dil mein utroo
tumhein kahein b meri tanhaye awaz nahe
day gi......
lakin !!!
jub meri hawish aur meri chahat ki lay
itni teaz aur unchi ho jaye
aur jub dil awaz day
tub loat ana......

shikway bhi hazaron hain shikayat bhi bohat hai

shikway bhi hazaron hain shikayat bhi bohat hai
iss dil ko magar uss say mohabat bhi bohat hai
aajati hai milnay wo tassavor main sar e sham
ek shaks ki itni si inayat bhi bohat hai
yeh bhi hai tamanna k usay dil say bhula dain
iss dil ko magar uss ki zaroorat bhi bohat hai
dekhain to zara pi k zeher e mohabbat
suna hai k iss zeher main lazzat bhi bohat hai

main pehley bhi akelaa tha

kabhi aisa nhi karna
main pehley bhi akelaa tha
mujhy tanha nhi karna
meri in jheel si aankhun ko
kabhi sehra nhi karna
judai bhi jo aaye to
dil mela nhi karna
bharosa bhi zarori hai
magar sab ka nhi karna
muqadar pher muqadar he
koi dawa nhi karna
jo likha he wohi hoga
kabhi shikwaa nhi karna
haqeeqat hai milan apnaa
issko sapnaa nhi karna
wafaain ruswa nhi karna
mujhy tanha nhi karma

Kuch log

Kuch log haseen yadon ki tarah hotay hain
Jinhein yad kar k dil khush ho jata hai
Or jinko bhoolana namumkin hai
Kuch log duaon ki tarah hotay hain
Abhi hum sajday mein sar rakhtay hain
Aur woh ashkon ki tarah ankhon say tapak jatay hain
Ap jaisay nighon ki tarah hotay hain
Agar woh hamaray sath hon tu andheray mein bhi rasta mil jata hai

Mohabbat Jaag Jati Hai

Mohabbat Jaag Jati Hai
Suno aye chaand see larki
Abhi tum keh rahi thi na
Tumhain mujh se muhubbat ho nahi sakti
Chalo mana keh yeh such hai

Magar aye chaand see larki
Mujhe itna batao tum
Keh jub mosam badalte hain
Gulon main rang bharte hain

To phir kiun muztarib ho kar
Akele pan se ghabra kar
Hawa ko raaz deti ho
Mujhe awaaz deti ho

Suno aye chaand see larki
Tumhare saamne koi mera jub naam leta hai
To phir kiun chonk jaati ho
Chalo mana tumhain mujhse muhubbat ho nahi sakti

Magar itna samajh lo tum
Jahan chahat nahi hoti
Wahan nafrat k hone ka koi imkan nahi hota
Mera dawa hay chahat main

Jahan nafrat nahi hoti
Wahan aksar ye dekha hai
Agar kuch waqt kut jaye
Samay ki dhool chat jaye

To wehshat bhaag jati hai
Muhubbat jaag jati hay

ye kya biyaan sub say dil ki haltein karna

ye kya biyaan sub say dil ki haltein karna
tuj ko na ayein mohabtein karna...............
ye qourab kiya ha?samnay ha tou???????
shumaar abi say judayi ki saetein karna
hum apnay dil say majboor aur logun ko
zara si baat par qaiamtein karna.............
melein jub tum say tou mebham si goftgu
pher apnay ap say soo soo wazahtein karna
ye loug kesay dushmani nibhaty hein.......
humein tou raas na ayein mohabtein karna
kabi naye mosmon mein rooo dena...........
kabi talash porani rafqatein karna.............

Nimaz-e-Mohabbat

KABHI zindagi se gilla kar ke roy

KABHI maut ki hum dua kar ke roy

AJAB silsila hai Nimaz-e-Mohabbat ka

QAZAA kar ke bhi roy, ADA kar ke bhi roy

Parveen Shakir

Kaisey keh doon k mujhey chorr dia hey Uss ne
Baat tu sach hey magar baat hey ruswaayiee ki

Woh kahin bhi gaya, louta tu mere paas aaya
Bas yehi baat hey achhi mere harjaayiee ki....

~khobsoorat hain~‏

Is dunia ki dastann main
hum tum ko bayaan kertay hain

khobsoorat hain wo lub
jo pyari batein kertey hain

khobsoorat hai wo muskurahat
jo dosaroon ke chehroon per bhimuskan saja de

khobsoorat hai wo dil
jo kisi ke dard ko samjhey
jo kisi ke dard mein tarpey

khobsoorat hain wo jazbat
jo kisi ka ehsaas karein

khobsoorat hai wo ehsaas
jo kisi ke dard ka madawa baney

khobsoorat hain wo batein
jo kisi ka dil na dukhaein

khobsoorat hain wo ankhein
jin mein pakezgi ho
sharm o haya ho

khobsoorat hain wo ansoo
jo kisi ke dard ko
mehsoos kerke beh jaein

khobsoorat hain wo Hath
jo kisi ko mushkil
waqat mein tham lein

khobsoorat hain wo qadam
jo kisi ki madad ke liye
aagey berhein !!!!!

khobsooart hai wo sooch
jo kisi ke liye acha soochey

khobsoorat hai wo insan
jis ko KHUDA ne ye
khobsoorati ata ki.

Ek Ajnabi Hoon Main . . .

Mairay Humsafar, mairay saath tum...
sabhi mausamon mein raha karo
kabhi dhool banke urra karo
kabhi phool banke ugga karo
kabhi dhoop banke gira karo
kabhi shaam ban k chaya karo


mairay Humsafar mairay saath tum...
kabhi chaand ban k dikha karo
kabhi taaron mai hansa karo
kabhi saanso mein tum basa karo
kabhi aansuon mein baha karo


mairay Humsafar mairay saath tum...
kabhi rangon main tum dikha karo
kabhi khushbuon se chua karo
kabhi nazaron se tum chupa karo
kabhi sapnon mai bhi mila karo


mairay Humsafar mairay saath tum...
kabhi aas ban k Dua karo
kabhi hosala bhi bana karo
kabhi intazaar bhi bana karo
kabhi saath saath mairay chala karo


mairay Humsafar mairay saath tum...
kabhi baarishon mai mila karo
kabhi badalon mai chupa karo
kabhi hum se tum kuch gila karo
kabhi shuru ek naya silsila karo


mairay Humsafar mairay saath tum...
Kabhi lehron mai tum baha karo
kabhi sahilon pe mila karo
kabhi yuhin yaad aaya karo
kabhi khayalon se na jaaya karo


mairay Humsafar mairay saath tum...
sabhi mausamon mai raha karo
har Khushi-o-Gham mai raha karo
Hamesha saath mairay raha karo
Har dam paas mairay raha karo

Ek Ajnabi Hoon Main .

Ek Ajnabi Hoon Main . . .

Kuch Kuch Jaana Per,
Anjaana Hoon Main!

Apnoon Nay Kia Praaya Jisay,
Praayon Nay Apnaaya Jisay,

Datan-e-Zindagi Bhi Sunaata Per,
Is Rah-e- Manzil Ka Tanha Musafir Hoon Main!

Ek Ajnabi Hoon Main . . .

Ek Ajnabi Hoon Main .

~ I S H Q ~‏

Ishq sabhiko jina sikha deta hai,
Wafa ke naam par marna sikha deta hai.

Ishq nahi kiya to karke dekho,
Zalim har dard sehna sikha deta hai

Woh dard wo shooq ,wo nisbat nahi rahi

Woh dard wo shooq ,wo nisbat nahi rahi
Abb zindgi mein hijer ki wehsahat nahi rahe

Toota hy jb se unki masihaiye ka Talisam
Dil ko kisi maseeha ki hajjat nahi rahii

Phir yun hua k koi shanasa nahi raha
Phir yun hoa k der mein shidat nahi rahi

Phir yun hoa k ho gaya woh masroof boht
Our hum ko bhi yaad kerne ki fursat nahi rahi

Aab kia kisi ko cahain K hum ko tu in dino
Khud apny aap sa bhi ULFAT nahi rahiiii!!

Pappu ( Funny )

Ab Pappu tum ssy milnay ki kya justjoo karen,
Tabiyat ziyada kharab ho to Doctor say Ruju karen.




Kal maine ussay buhut hasaya
Pappu...
Kamini jate howe mujhe Mr.Been khe gai.




Mere nana nay ye keh kar mujh say rishta tor deya
Pappu.....
Moong phali main dana nahi hum tumhary nana naeee...




aj vo mera nam b bhool gaii
Pappu....
jo kaha karti thi
"Kundi na kharka sonaya sidda andar aaa"




Main sara din ussay yamaha per jholy deta raha
Pappu.....
sham hoi ta Kehnay Lagi,
Main tay Honda he Lay Saan.







Main to pehly say he Suger ka mareez tha
Pappu...
Aur
Us nay kaha pyar di Ganderrri choop lay.




Ciggrette noshi sehet k liye Muzzar hai
Pappu...
Ye keh ker us nay mujhe nasvarr day di



Pappu meray bas main nahi ab mera dil
Just chill chill just chill

suno aysa nahe karty!

suno aysa nahe karty!
joo apnay routh jayein
unhe bohla nahe karty
inhe say sapnay sajty hein
wo he tabeir banty hein
unhe kohya nahe karty

suno aysa nahe karty!
wo he tou maan hoty hein
jinhe hum apna samjty hein
unhe dokha nahe detay
wo jo zindge mein ayein
na jin ko bhool payein
inhe pher kyun nahe samjty
wafayein karna sekho sub
in he say sub kuch hasil ha
suno aysa nahe karty!

...Sirf Ankhon Se Mohabbat Nahi Hoti...‏

Sirf aankhon se mohabbat nahi hoti

Gustakhi kisi ki adat nahi hoti

Log karte hain ise bat bhi

Jab unhen iski ijazat nahi hoti


Log zalim hain nasheman jala dete hain

Dekha kar sagar ki jhalak
Zehar pila dete hain
Kis tarhan unse karein khatam muhabat ya RAB
Jin se milte hain zamane ko bhula dete hain


Kash ye zalim judai na hoti
RABBA tu ne dil cheez banaai na hoti
Na hum unse milte na mohabat hoti
Zindgi jo apni thi aaj parai na hoti.

...Mohabbat Rang Badalti Hai...‏

Mohabbat rang badalti hay...

Aur is ka koi bhi rang mustaqil...

Pukhhta nahee'n hota...

Naveed-e-seher ki koi...

Daleel-e-bay-karaa'n jaisay...

Kisi mushhkil safar mai'n...

Qaafla ik bay-amaa'n jaisay...

Kabhi hairaan say lehjay....

Koi dil bad-gumaa'n jaisay...

Jhulasti dhoop may saaya...

Shajar-e-meherbaa'n jaisay...

Kabhi na ruknay waala zindagi ka karwaa'n jaisay...

Koi rangeen si...

Sangeen si...

Ik daastaa'n jaisay...

Mohabbat ibteda may baal kholay muskuraati hay...

Kabhi nazm may..

Her shai'r may...

Her ista'aaray may...

Ghataao'n ki tarah ghir ghir k aati hay aur barasti hay...

Kabhi sehra ki maanind..

Chand boondo'n ko tarasti hay...

Kabhi ik bulbulay ki tarah...

Pal do pal ko ha'nsti hay...

Kabhi sadiyo'n talak...

Dil ki nihaan khaano'n may basti hay...

Kabhi khurd k andaishay....

Kabhi ik jaush-o-masti hay...

Kabhi ha'ns ha'ns k roti hay...

Kabhi ro ro k ha'nsti hay....

Mohabbat aadmi ki zindagi ka dhang badalti hay...

Mohabbat khud rang badalti hay...

Mohabbat rang badalti hay...!!!

...Mene Chaha Usay Bhool Jaun...‏

mene chaha usay bhool jaon .......
faramosh kardon wo sub,roz o shab!!
usko dekhon to youn kay jesay wakif hi nahin
mein bhi us ki tarah ab kisi ro ko saath lay kar chaloon
har ghari khush rahoon .....,muskurata phiron
bewajah,besabab!!
jab hawa kay qadam misl-e-maynosh bedhab se parnay lagein
chandni khirkiuon se pukaray
nigahein chamaknein lagein
aahatein kaan mein sabz sargoshiyan karkay chalnein lagein
dast-e-mosam kay aaejaz se perhan zard patay badalnay lagein
bakht e khwabeeda gul aankh malnay lagein
kaash youn ho kay tab.............
usko dekhon to wo ajnabi sa lagay
uski aahat pe khwahish kay koi gul na khilein
wo pukaray agar...uski awaz pe kaan tak na dharoon
ehd-e-rafta ki har yaad ko bhool kar
anay wali ruton ka swagat karoon
uskay chehray ko ..,chehron kay anboah mein...
...is tarah gum kardoon...
kay phir wo ankhein rahein,na wo gaisoo..na wo lub..
mene chaha usay bhool jaon
faramosh kardon wo sub,
roz-o-shab!!!

...Mujhay Iss Zindgani Se Koi Shikwa Nahi Lekin...‏

Mujhay Iss Zindgani Se Koi Shikwa Nahi Lekin,
Zara Si Be Sakooni Hay,
Na Janay Kiun Mery Dil Mein,
Ajab Ik Khauf Rehta Hay,
Mujhay Mehsoos Hota Hay,
K Mery Dil K Darwazey Pe,
Teri Yaad Ki Dastak Mein Vo Shiddat Nahi Baqi,
Bohat Si Khas Baatein Hain,
Jo Mujh Ko Aam Lagti Hain,
Mery Dil Mein Unhein Sun Kar Koi Toofan Nahi Uthta,
Teri Aankhein,Tera Chehra,
Teri Awaaz Ki Rimjhim,
Sabhi Kuch Khuwab Lagta Hay,
Mujhay Mehsoos Hota Hay,
Sunehrii Titliyoon Jaisy,
Vo Sab Khush Rung Se Sapney,
Mery Lafzoon K Pholoon Par,
Bohat Din Se Nahi Baithy,
Mujhay Mehsoos Hota Hay,
Samay Ki Tez Lehron Ne,
Hamary Rait K Kachay Gharonday Torr Dalay Hain,
Mujhay Un Tez Lehron Se,
sunehrii Titlion Jaisy,
Sabhi Khush Rung Sapnoon Se,
Koi Shikwa Nahi Lekin,
Zara Si Be Sakooni Hay,
Mujhay Mehsoos Hota Hay,
Tumharay Dil K Darwazey Pe Meri Yaad Ki Dastak,
Meri Jaan Ab Nahi Hoti,
Meri Jaan Ab Nahi Hota,
K Meri Yaad Aye To,
Tumhari Aankh Bhar Aaye,
Duaein Mangtey Lamhay,
Mujhay Tum Bhool Jati Ho,
Magar Phir B Mujhay Tum Se,
Koi Shikwa Nahi Lekin,
Ajab Si Be Sakooni Hay,
Ajab Ik Khauf Hay Dil Mein,
Main Tum Ko Bhool Jaon Ga…!!!

...Ab main aksar khush rehta hoon...‏

yaad hai janaa


tum ne pichli baar kaha tha


mujh ko bhool k khush rehna hai


tum ko tu main bhool na paya


lakin janaa


chupkey chupkey dukh sehta hoon


abb main aksar khush rehta hoon...!!!

...Main ab sone se Darta hun...‏

Kaha tha na!
Mujhay tum iss tarah sootay huay matt chor ker jana
Mujhay bayshak jaga daina
Bata daina
Muhabbat ke safar main saath mairay chal nahin sakteeN
Judai main, hijar main saath mairay jal nahin sakteeN
Tumhain rasta badalna hai
Mairi hadd se nikalna hai
Tumhain kis baat ka derr tha
Tumhain jaanay nahin daita
Kahin per qaid ker laita
Array PAGLI!
Muhabbat kee tabiyat main zaberdasti nahin hoti!
Jissay rasta badalna ho
Ussay rasta badalnay se
Jissay hadd se nikalna ho
Ussay hadd se nikalnay se
Na koi rok paya hai
Na koi rok pai ga
Tumhain kiss baat ka darr tha
Mujahy baishak jaga daitay
Tumhain main daikh hee laita
Tumhain koi dua daita
Kam-az-kamm yuN tu na hota
Mairay Saathi! Haqeeqat hai
Tumharay baad khonnay ke Liya kuch bhee nahin baaqi
Mager khonnay se derta hoon
Main ab sone se Darta hun...!!!

...Mohabbat main deewangi zaroori hai ...‏

Mohabbat main deewangi zaroori hai
Mohabbat saare
Rishte naate torr
deti hai
faqat ek Dil se
Rishta jorr leti hai
Mohabbat ki haddein hoti nahi
Haddon ko torr dena
Is ka shewa hai
Agar tumhain mujh se
Mohabbat hai to phir
Yeh rishte naaton ki
Bandishein torrna hongi
Agar aisa nahi karsakte to
Phir hum tum apni khuwahish ke
Khilone torr dete hain
Dilon ko morr lete hain
Mohabat chor detey hen...!!!

kaho to …

kaho to …

haath utthaa ke…


thumhein rabb se mang loon


agar chaho to…


thumhein cha’h loon


tumhari masoom nazron ka


sadqa utar loon


kaho to yeh sare


chanda sooraj aur tare


tumhari jholi mein bhar doon


bas tumhein pa loon


tumhein cha’h loon


aur piyar ker loon


kaho to…


tumhari masoomiyat ke waste


mar jaon…..


piyar amar ker doon


bas tumhein pa loon


kaho to....

han… agar kaho to…

...Mujhe Hosh Nahi...‏

YAH ALAG BAT HAY SAAQE KAY MUJHAY HOSH NAHEE

HOSH ITNAA HAY KAY MAIN TUJ SAY FARAMOSH NAHEE

MAIN TAIRE MAST NIGAHOON KAY BHARAM RAKH LOONGA

HOSH AYAA BHE TU KAH DONGAA MUJHAY HOSH NAHEE

YAAD ITNAA HAY KAY PUHANCHAA DAR E MAIKHANAY TAK

KIAA KAHOON AAGAY KAY AAGAY KA MUJHAY HOSH NAHEE

KABHE UN MUDBHAREE AUNKHOON SAY PIYAA THA IK JAAM

AAJ TAK HOSH NAHEE HOSH NAHEE HOSH NAHEE

...BAYAN TUM HO ZUBAN TUM HO...‏

ZAMEEN TUM ASMAN TUM HO
GHARZ SARA JAHAN TUM HO

MOHABBAT AB MOHABBAT HAI
MOHABBAT KA JAHAN TUM HO

MERE DIL MEIN NEHAAN TUM HO
MAKEEN TUM HO MAKAAN TUM HO

BATAON KIYA KAHAN TUM HO
NAFS TUM JISM O JAAN TUM HO

KAHAN REHTE BIN TUMHARE
WAHAN HUM HAIN JAHAN TUM HO

KAHAN HAI Ajnabi MEHFIL MEIN
BAYAN TUM HO ZUBAN TUM HO

~~Yah Ibratt ki Jagah Hai Tamashaa Nahi H~~‏

Anokhi Wazaa Hai Sary Zamany Se Niralay Hain,
Yah Aashiq Kon Si Basti k Yaa Rabb Rehnay Waly Hain,


Jaga Jee Lagnay Ki Dunya Nahi hai,,
Yah Ibratt ki Jagah Hai Tamashaa Nahi Hai.


Jahan Main hain Ibratt k Har su Namoonay,,
Mager Tujh ko Andha Kiya Rang_o_Bu Ney.


Kabhi Ghoor se Bhi Yah Dekha Hai Tu ney,
Jo Ma,moor thay wo Mehal Ab Hain Soonay.


Jaga Jee Lagnay Ki Dunya Nahi hai,,
Yah Ibratt ki Jagah Hai Tamashaa Nahi Hai.


Milay Khaak main Ehl_e_Shaa,n Kaise Kaise,
Makeen ho gaye Lo-Makaa,n Kaise Kaise.


Hoye Naam-warr Be-Nishan Kaise Kaise,
Zameen Khaa Gayi No-Jawan Kaise Kaise.


Jaga Jee Lagnay Ki Dunya Nahi hai,,
Yah Ibratt ki Jagah Hai Tamashaa Nahi Hai.


Zameen k Hoye Log Paiwandd Kaya Kaya,
Malooko Hazooro Khudawand Kaya Kaya.


Dikhaye ga Tu Chandd Rozz Kaya Kaya,
Ajal Ny Pichaaray TanuMandd Kaya Kaya.


Jaga Jee Lagnay Ki Dunya Nahi hai,,
Yah Ibratt ki Jagah Hai Tamashaa Nahi Hai.


Ajal Na Qisra Na He Na Daara,
Issi sy Skindar Sa Fatah bhi Hara.


Har Ik Chorr k Kaya kaya Hasrat Sidhara,
Para Rah Gaya Sab Yahin Thathh sara.


Jaga Jee Lagnay Ki Dunya Nahi hai,,
Yah Ibratt ki Jagah Hai Tamashaa Nahi Hai.


--
main to mehdood se lmhoon mein mili thi us se
phir bhi wo kitni wazahat se mujhe sochta ha