Sunday

Raaz kee batein

Raaz kee batein likhee aur khat khulaa rehnay diya

Jaane kyoo rusvaaiyon kaa silsilaa rehnay diya



Umar bhar mere sath reh kar vo na samjhaa dil kee baat

Do dilon ke darmiyaan ek faasala rehnay diya



Apni fitratt vo badal payaa na is ke baavajood

Khatam kee ranjish magar gilaa rehnay diya



Mein samajhtaa thaa khushee de gee mujhe fareb

Is liye mein ne gamoon se raabataa rehnay diya

Kuch Tu Hawa Bhee Sard Thee‏

Kuch tu hawa bhee sard thee kuch tha tera khayal bhee

Dil ko khushi ke saath saath hota raha malaal bhee


Baat vo aadhi raat kee, raat vo poore chaand kee

Chaand bhee ain chet ka us pe teraa jamaal bhee


Sab se nazar bachaa ke vo mujh ko aise dekhata

Ek dafaa tu rukh gaee gardish-e-maah-o-saal bhee


Dil ko chamak sakegaa kya phir bhee taraash ke dekh lo

Sheesha-garaan-e-shehar ke haath kaa yeh kamala bhee


Us ko na paa sake the jab dil kaa ajeeb haal thaa

Ab ju palat ke dekhiye baat thee kuch muhaal bhee


Meri talab tha ek shakhs vo ju nahin mila tu phir

Haath duaa se yuun giraa bhool gaya sawaal bhee

Shaam kee naa-samajh hawa pooch rahee hai ek pataa

Mauj-e-huwa-e-kuu-e-yaar kuch tu mera khayal bhee


Us ke hee baazuuon mein aur us ko hee sochate rahe

Jism kee khuwaahishon pe the rooh ke aur jaal bhee

Usse Tha Ishq

Usse tha ishq pholoon se

Mujhe vo phool kehta tha

Mein khush thee, sochtee thee

Us ke jeevan ko sajaaon gee

Magar yeh bhool bethee thee

Keh us kee dairy tu

Khushk pholoon ka thhikana hai

Jinhein vo rakh ke bhoola hai

Aur ab mein bhee!

Aaj un ke darmiyaan hoon!

Sochtee hoon

Usse tha ishq pholoon se

Mujhe vo phool kehta tha!!

Aadatein Bhee Ajeeb Hoti Hain

Aadatein Bhee Ajeeb Hoti Hain

Saans lena bhee kaisee aadat hai

jeeye jaana bhee kya ravaayat hai

koee aahat nahi badan mein kaheen

koee saaya nahi hai aankhon mein

paaon behiss hain, chalate jaate hain

ik safar hai jo behataa rehtaa hai

kitane barsoon se, kitnee sadiyoon se

jiye jaate hain, jiye jaate hain

aadatein bhee ajeeb hotee hain!

Suno ! TUm‏

Suno ! TUm chehry mat parha kro

balkeh dilon main jhankny ka fan sikho.

kayunk aksar chehry jhut bola krty hain

Chalo Is Baar Ye Sochain

Chalo Is Baar Ye Sochain,
K Is Tarah Nahi Milna,
Koi Shikwa Nahi Karna,
MaGaR!
Aik Baat Ye Bhi Hai,
Jahan Shikway Nahi Hotay,
Wahaan Chahat Nahi Hoti .

Dua ki soorat

Dua ki soorat main unki khatir
jo meray honton sy lafz niklain
Jo meri aankhon
say aashk niklain
Unhi k badlay main
aye KHUDAYA
Jub bhi un ka
naseeb likhna
UROOJ likhna
KAMAL likhna
kabhi na lafz-e-ZAWAL likhna
(ameen).

kitne fursat

Woh tu milta hay mehdood se lamhon
mein mujh kooo....

Phir bhi dil hay k kitne fursat say
use sochta hay....!!!
Related Posts Plugin for WordPress, Blogger...