Saturday

Har Qadam Gurezan Tha Har nazar me wehshat thi

her qadam gurezan tha,her nazer main wehshat thi
muslehat perastoon ki rehbary qiamat thi

munzil-e-tamana tak kon sath deta hai !
gerd-e- saye la hasil her sefer ki qismat thi

aap hi bigerta tha , aap mun bhi jata tha
is gurez pelo ko ye ajeeb adat thi

is ne hal poocha to yad hi na ata tha!
kis ko kis se shikwa tha, kis se kia shikayat thi

dasht main hawaon ki berukhi ne mara hai
sher main zamane ki pooch guch se wehshat thi

youn to din dahare log loot lete hain
lekin in nigahoon ki our hi siyasat thi

hijer ka zamana bhi kia ghazab zamana tha
aankh main samunder tha, dheyan main wo sorat thi

No comments:

Related Posts Plugin for WordPress, Blogger...