Saturday

Rezah rezah hogaya hai aeena aks phir bhi dey raha hai aeena har

Rezah rezah hogaya hai, aeena
aks phir bhi dey raha hai, aeena

har nazar ke baad hota hai, aeena
yeh tu koi doosra hai, aeena

aks hai ya aks ka ehsaas hai
kash makash mein mubtla hai, aeena

janey kaisey,in ke, merey darmiyaan
ek talaqaat ban gaya hai, aeena

mujhko, mujh par munkashaf kaisey karey
khudko kitna janta hai, aeena

kon apney aap se hai, hum kalaam
jagmagaata jaraha hai, aeena

goom hoey hain, atibaaraat-e-nazar
dhoop mein rakha howa hai, aeena

No comments:

Related Posts Plugin for WordPress, Blogger...