Saturday

Vo Boli, Main Suhaney Mausamon k Geet Jaisi Hoon Main Bola, Tum

Vo Boli, Main Suhaney Mausamon k Geet Jaisi Hoon
Main Bola, Tum Haseen Deyhaation Ki Preet Jaisi Ho

Vo Boli, Main Chamakti Chandni k Rang Jaisi Hoon
Main Bola, Tum Muhabbat k Puraney Jhang Jaisi Ho

Vo Boli, Main Lehakti Waadion Ki Khushbouu Jaisi
Main Bola,Qaaf Ki Shehzadion Ki Khushbouu Jaisi

Vo Boli, Main Samander Paar Ki Jannat Se Aayi Hoon
Main Bola, Main Tumharey Khas Istaqbaal Ko Aaya

Vo Kehti Hay, k Mujh Se Tiltliyan b Pyar Karti Hain
Main Kehta Hon,Unhein Tum Baag k Phoolon Si Lagti Ho

Vo Kehti Hay, Mujhay Jugnu b Chooney k Liye Ayein
Main Kehta Hon, Tumhein Vo Chand Ki Mehman Samajhty Hain

Vo Kehti Hay, Meri Aawaz Ko Gunmbad Tarastey Hain
Main Kehta Hoon, Tumhari BaazGasht Meharban Chahey

Vo Kehti Hay, Main Hans Doon To Fizayein Raqs Kar Uthein
Main Kehta Hoon, Tu Ro Dey To Ghatayein Raqs Kar Uthein

Vo Kehti Hay, Parinday Pyar Se Mujhko Bulatey Hain
Main Kehta Hon, Shajar Aksar Tery Qissay Sunatey Hain

Vo Boli, Dard Aksar Raat Ko Soya Nahi Karta
Main Bola, Iss Tarah To Koi b Roya Nahi Karta...!!!*

No comments:

Related Posts Plugin for WordPress, Blogger...