Sunday

Hont mat si

Hont mat si
muje izhar ka moqa to de
ishq jurm hai to iqrar ka moqa to de
ankho ankho mei hi keh loo ga jo kehna hai
muje ik pal kay liye magr dedar ka moqa to de
ker le tasleem meri khamosh mohabbat
ya sar-e-aam muje payar ka moqa to de
jeet jana agr mera ganwara na ho to
khail kuch yu kay muje haar ka moqa to de...

Ik chand tanha khara raha

Ik chand tanha khara raha
meray asman say zara paray
meray sath sath safr mein tha
meri manzaloo say zara paray
teri justaju kay hisar say
tere khwab tere hayal say
main woh shahks tha jo khara raha
teri chahtoo say zara paray
kabi dil ki baat kahi na thi
joh kahi to woh bi dabi dabi
meray lafz pooray to thay magr
teri sam'atoo say zara paray
tu chala gaya muje chor ker
zara daikh murr kay to ik nazr
meri kishtiyaan hain jali hue
teray sahiloon say zara paray

Yun hi intezar karta raha or waqt dhalta raha

Yun hi intezar karta raha or waqt dhalta raha
mere intezar ka sooraj her lamha pighalta raha

tay to yeh hua tha key payen gay aik hi manzil
beech rah main woh mukar geya soo-e-manzil main chalta raha

kabi us key liye hans diye kabi us key liye ro diye
woh khud ko to na badal saka bus mujh ko he badalta raha

ab tak kaise chup raha yeh mut pooch Majid
waqt mujhay behlata raha or main behelta raha...

Dil ko bekaraar karna hoga

Dil ko bekaraar karna hoga.
Ishq mein takraar karna hoga

Lamah lamah zindgi ka
Bas intazaar karna hoga.

Rishton ka barosa nahi raha
Chahaat ko inkaar karna hoga

barosa tha tun par bahut
Dil tootne ka ikraar karna hoga

Gam ke badal beshumaar hai...
Saanson ko gamkhwaar karna hoga

Zakham diye khaksaar ne itne
Rooh ko bazaar karna hoga

Pyaar mein badha dard hai
“Sial”Sehan baar baar karna hoga

















poetryblogroll.blogspot.com
pakistani-poetry.blogspot.com
poetry-24.blogspot.com
milan-poetry.blogspot.com
poetryhipoetry.blogspot.com
forthosewhobelieve.blogspot.com
yesbutisitpoetry.blogspot.com
cuteepoetry.blogspot.com
softsonnets.blogspot.com
karenspoetryspot.blogspot.com
mehroz717.blogspot.com
softmoodz.blogspot.com
poemsintranslation.blogspot.com
urducornerpk.blogspot.com
verbatimpoetry.blogspot.com
poetrysync.blogspot.com
urdu-english-poetry.blogspot.com
poem-of-the-week.blogspot.com
poetrylar.blogspot.com
www.urduimagepoetry.com
www.killerpoetrycollection.com
www.world-poetry.blogspot.com
www.poetryghar.com
http://urdupoetrysite.blogspot.com
heavenspot.wordpress.com
urdu-poetry-lovers.blogspot.com
mehroz717.blogspot.com
urducornerpk.blogspot.com
urdupoetree.blogspot.com
urdupoetrypoint.blogspot.com
urdupoetryrare.blogspot.com
forthosewhobelieve.blogspot.com
urdu-love-poetry.blogspot.com
softmoodz.blogspot.com
poetrylar.blogspot.com
urdu--poetry.blogspot.com
softsonnets.blogspot.com
123urdupoetry.blogspot.com
urdupoetrywithenglishtranslations.blogspot.com
www.poetryghar.com
apniurdupoetry.blogspot.com
urduadab4u.blogspot.com
www.poetryghar.com
urdupoems.blogspot.com
urdu-english-poetry.blogspot.com
poetryhipoetry.blogspot.com
cuteepoetry.blogspot.com
www.urdusadpoetry.com
urdusadpoetry.wordpress.com
www.2linesurdupoetry.com
www.propakistani.info
www.urdupoetry.com
www.softsonnets.blogspot.com‎


 

Toot kar bhikhar naa jaye, yeh dil mera…

Toot kar bhikhar naa jaye, yeh dil mera…
Kahin iske tukre naa ho jayen !!
Aur kitna ispe zulm barpega, yeh dil mera…
Kahin mitti naa ho jaye !!

Aur kitni inteha hogi,
Dede koi zeher ek hi baar isko !!
Aur nahin shaamil himmat,
Dede koi thandi chaanv hi mujhko !!

Kaise kahun ki kitna …
Dard isko hua hai !!
Khali hain lafz saare…
Itna inme damm kahan hai !!
Zaar zaar hoke bhi jiya hai !!
Kitna issne gham piya hai !!

Aur kitna Keher barpega, yeh dil mera…
Kahin patthar naa ho jaye !!
Phir jo mile bhi isko, naazuk chaanv …
Shayad kabhi samajh naa paye !!

barson baad meri jaan

barson baad meri jaan
aayi mujhke ek yaad
woh thi ek choti si
mithi si paad

andhi hokar bhi mujhe
ehsaas hua uska
bade hole hole se
khushboo ghusa

ab is choti si paad
se juda kaise hoon
mera ek hissa ban gaya
jaise mera lahoo..,

kartey raho jfa pe jfa tumse kya kahey

kartey raho jfa pe jfa tumse kya kahey
ati nahin tumko wfa tumko kya kahe

guzri hai humpe jo bhi tumhe usse kya garaz
tumne to sath chor diya tumse kya kahey

dil de ke tumko dil ki tammana nikal gayi
anjaam jo huya so huya tumse kya kahe

nakami-e-hayat ka, bigrey naseeb ka
humse ilaj ho na saka tumse kya kahey

tumne to khat mein likh hi diya akhri slam
ab jo hamara hal huya tumse kya kahey


ponche they anjuman me tumhari magar waha
apna koi vajood na tha tumse kya kahey

tumney hame jla ke , sta ke, rula ke aaj
ek ajnabi ko shaad kiya tumse kya kahey

gazal humne jaam utha ke tumhare baad
din raat apna khoon piya tumse kya kahey

KASAKPAIN

Yeh bebasee ka samaa kab tak
yeh gham ke jaam maghar kab tak
din nikalta bhi nahi teri yaad aa jaye
tadaptei rahei taa raat maghar kab tak

Pathar ka jigar rakhnei walon
yun phoolon ka yauvan chooso naa
murjhaye hue jismon ki kasak
sulagei armaan maghar kab tak

Tum to sote ho mahalon mein
aur mujhko bistar kaanton kaa
andheri sooni raton ke saayon mein
yaadon ke ghaav maghar kab tak

Kafan odh kar so bhi jawoon
gar mujh par khaak koi daale
behayaa aankhon ki garmi se
dahken jazbaat maghar kab tak

Koi naya chahne waala phir
raatein rangeen banayega
jismon ki numaaish mein honge
naye naye kharidaar maghar kab tak

Phir laut ke mujh ko dhoondoge
kohron mein kabhi saawan mein kabhi
jab kahin nahin deekhoonga tumhe
hoga afsos maghar kab tak

Baadbaa'n kab khoolta hoon paar kab jata hoon mein..

Baadbaa'n kab khoolta hoon paar kab jata hoon mein..
Roz raste ki tarha darya se laut aata hoon mein..

Subha dam mein khoolta hoon rassi apne pao'on ki..
Din dhale khud ko kahin se haank k laata hoon mein..

Apni janib se bhi deta hoon kuch kachuke jism ko..
Iss ki janib bhi apne ghum sehlata hoon mein..

Aik bache k tarah khud ko bitha k samne..
Khoob khud ko koosta hoon khoob samjhta hoon mein..

Khush patoon ki tarah hai qoowat-e-goyaee bhi..
Baat koi bhi nahi aur bolta jaata hoon mein..

Ye wohi tanhaii hai ab jis se behal jata tha dil..
Ye wohi tanhaii hai ab jis se ghabrata hoon mein..

Ishq mein maana hai ghalib ki tarafdari mujhe..
Roab jab chalta nahi to pao'on par jata hoon mein..

Mere haath aate hain tabish dosre mausam k phool..
Aik mausam mein to tehni tak pohanch paata hoon mein

Socha na tha hum bhi aisi shaam dekhenge

Socha na tha hum bhi aisi shaam dekhenge,
Tujh jaise bewafaa ka aakhri salaam dekhenge,

Tut kar chahte rahe tumhe wafa ka naam pe,
Apne aap ko hi ek din tere naam pe tut-te dekhenge…

Saare sapno ko samete rakha tha humne,
Un saari yaado ko ab bikharte dekhenge,

Mohabbat ke bazaar me yu hi ek din,
Apne aap ko hi hum yu nilaam dekhenge…

Socha na tha hum bhi aise shaam dekhenge,
Tujh jaise bewafaa ka aakhri salaam dekhenge

MOHABBAT

Mohabbat aik shajr hey.........

Aur shajr ko iss se kia matlab

k iss ki chhaon mein koi...............

Thaka hara musafer aa k betha hey

Ab iss ka rang kia hey?

Nassl kaisee hey?........

Kahan se aaya hey?.....

Issay kis simt jana hey?.....

Shajer ka kaam to bass........

Chhaon dena aur dhoop sehna hey.

~*teri aarzoo kii hadood mein kisii aarzoo ka guzar nahien*~

yeh baja k husn hi husn hai meray gird o paish magar nahien
teri aarzoo kii hadood mein kisii aarzoo ka guzar nahien

wo kaleem thay jo behal gye teri barq zair e naqaab say
jo tajaliyon say ho mutmain wo mera mazaaq e nazar nahien

yeh khyal e kham na kar kabhi k ghulam e waqt hai aadmii
teri zindgii kii bulandiyaan yeh nazam e shams o qmar nahien

yeh baja k deer o haram mein hain teri azmaton kii alamatien
meray dil ko apna yaqeen dila mujhay aitbar e nazar nahien

yeh maraqbay yeh makashfay yeh mujhahaday yeh majadalay
teri manzilien hain yeh waqa’ii k mujhey shaoor e safar nahien

yeh hajoom e lala chaman chaman yeh ghata mein barq ka bankpan
ho sajood e shoaq mein rukh kidher teri jalwa gaah kidher nahien

meri justajoo kii rasaiyaan hain teray hadood e jamal tak
mujhay do jhaan say gharaz hii kya meri do jhaan pay nazar nahien

meray sajda haaye dil o nazar, hain kharab kab say idher udher
mujhay is qdar to pata chalay k kidher hain aap kidher nahien

yeh qyaam gaah ka hai asar k maal par bhi nazar nahien
hai safar ka waqt qareeb tar magar ikhtmam e safar nahien

mujhay bazm khoob khay to kya mujhay daad e shair milay to kya
teri aarzoo ka kamal hai , meri shairy ka hunar nahien

yeh chaman yeh danish e be-nawa jo ghira hai abr sharar fishan
kisi samrii ka hai shobda yeh sehar to merii sehar nahien

*haath rakh daitii hain dil par teri yaadien aksar*

*haath rakh daitii hain dil par teri yaadien aksar*


hum nay katii hain teri yaad mein raatien aksar
dil say guzrii hain sitaron kii baraatien aksar

ishq rahzan na sahii ishq kay haathon phir bhi
hum nay lut-tii hoii dekhii hain baraatien aksar

hum say aik baar bhi jeeta hai na jeetay ga koii
wo tum hum jaan kay khha laitay hain maatien aksar

un say poocho kabhi chehray bhi paray hain tum nay
jo kitaabon kii kiya kartay hain baatien aksar

hum nay un tund hawaaon mein jalay hain chiragh
jin hawaaon nay ulat dii hain bisaatien askar

aur to kon hai jo mujh ko tasalii daita
haath rakh daitii hain dil par teri yaadien aksar

haal kehna hai kisi say to mukhatib hai koii
kitni dil-chasp hua kartii hain baatien aksar

Sau janam ka saath apna,

Sau janam ka saath apna,
Sans ka dhadkan se jaise,
Aas ka jeevan se jaise,
Kaise kate saal solah,
Shyam ki jogan ke jaise.
Jhoot ke parde na dhoondo,
Sach kaho na .
Kuchh kaho na ..


Ek dooje ke liye ham,
Haath main kangan ke jaise,
Pyaas main sawan ke jaise,
Roop ko darpan ke jaise,
Bhakt ko bhag_van ke jaise.
Jheel si simtee na baitho,
Kuchh baho na .
Kuchh kaho na ..

Jaanata hoon thak gayee ho,
Umr ke lambe safar se,
Saanp se dasate shahar se,
Aas se aur aansuon se,
Bheed ke gahare bhawanar se.
Waqt firata hai suno,
Itna daro na .
Kuchh kaho na ..

Kis tarah ladatee rahi ho,
Pyaas se parchhaiyon se,
Neend se , angadaiyon se,
Maut se aur zindagi se,
Teej se ,tanahaiyon se.
Sab tapasya tod dalo,
Ab saho na
Kuchh kaho na

Tuh Gham Naa Karr

Tuh Gham Naa Karr..
Teri Mehak Naa Sahi ..
Teri Aawas Toh Hai..
Tuh Naa Sahi
Terri Harr Baat Toh Hai !
Tuh Gham Naa Karr..
Teri Justaju Na Sahi
Teri Wafa Toh Hai..
Tera Haath Mere Haath Naa Sahi
Teri Dua Toh Hai !!

Tuh Gham Naa Karr

Tuh Gham Naa Karr..
Teri Mehak Naa Sahi ..
Teri Aawas Toh Hai..
Tuh Naa Sahi
Terri Harr Baat Toh Hai !
Tuh Gham Naa Karr..
Teri Justaju Na Sahi
Teri Wafa Toh Hai..
Tera Haath Mere Haath Naa Sahi
Teri Dua Toh Hai !!

badan ke donoN kinaaron se jal rahaa huun main

badan ke donoN kinaaron se jal rahaa huun main
ke chhuu rahaa huun tujhe, aur pighal rahaa huun main

tujhi pe khatm hai jaanaa mire zavaal kii raat
tu ab tulu bhi ho jaa, ke dhal raha hun main

bula raha hai mera jaamaa-zeb milne ko
to aaj pairahan-e-jaan badal raha hun main

Ghubaar-e-rahguzar ka ye hauslaa bhi to dekh
hava-e-taaza! tire saath chal rahaa hun main

main khvaab dekh raha huun ke vo pukaartaa hai,
aur apne jism se baahar nikal raha huun main...

AYE JAN MERI

AYE JAN MERI"
Tou meri nend ka qisa ha
Tou mery wajood ka hisa ha
=aye jaan meri=

Tou na ho k b
pas ha mery
meri zaat hi jesa ha
=aye jaan meri=

jis gahri tujay koh dia
usi gahri tujay paa lia
tery mery bech
rouhon wala rishta ha
=aye jaan meri=

na talab teri na hawish
kise ki, mohabat nahi
isy ishaq kaho....
k tou hi muj mein basta ha
=aye jaan meri=

wo aur hon gay jo ankhon
say dil mein utrty hon gay
dil say rouh wala...
apnya hum nay rasta ha
=aye jaan meri=


'SHAYERA'
SONIA RAJA..
sonia.raja27@gmail.com

Related Posts Plugin for WordPress, Blogger...